தமிழீழ விடுதலைப்புலிகள் அமைப்பின் தலைவர் வே.பிரபாகரனின் பிறந்த நாளை முன்னிட்டு, வல்வெட்டித்துறையில் உள்ள அவரது வீட்டு காணியினை துப்பரவு செய்த நாலு இளைஞர்களின் அடையாள அட்டைகளை வல்வெட்டிதுறை காவல்துறையினர் பறிமுதல் செய்ததுடன் , நால்வரையும் காவல் நிலையம் அழைத்து சென்றுள்ளனர்.அதேவேளை பிரபாகரனின் வீடு அமைந்திருந்த பகுதியில் பெருமளவான காவல்துறையினர் குவிக்கப்பட்டு உள்ளனர். குறித்த வீடு இராணுவத்தினரால் முற்றாக இடித்தழிக்கப்பட்டுள்ளமை குறிப்பிடத்தக்கது.
