பாலிவுட்டில் லேட்டஸ்டாக பரபரப்பை ஏற்படுத்தியுள்ள நிகழ்வு என்றால் குயீன் பட இயக்குனர் விகாஸ் பால் மீது நடிகை கங்கனா ரணாவத் கூறிய பாலியல் குற்றச்சாட்டு தான். அனுராக் காஷ்யப் நடத்திவரும் தாயாரிப்பு நிறுவனத்தில் பணிபுரியும் பெண் ஒருவர், விகாஸ் மீது பாலியல் குற்றச்சாட்டை கூறியிருந்தார். அந்தப்பெண்ணுக்கு ஆதரவாக கருத்து கூறிய கங்கனா, படப்பிடிப்பின்போது விகாஸ் தன்னிடமும் அத்துமீறி நடந்து கொண்டார் என கூறி பரபரப்பை ஏற்படுத்தினார்.
இன்னொரு பாலிவுட் நடிகையான சோனம் கபூர், கங்கனா கூறியதை கிண்டல் செய்யும் விதமாக, “கங்கனா சொல்வது நம்புவது போல இல்லையே.. இதுபோல பல விஷயங்களில் அவர் இவ்வாறு பேசியுள்ளார். அவர் இதை அப்போதே சீரியஸாக எடுத்துக் கொண்டிருக்க வேண்டும்” என கூறியுள்ளார்.
சோனம் கபூரின் கிண்டல் கங்கனாவை கொந்தளிக்க வைத்துவிட்டது. இதுகுறித்து உடனே பேட்டியளித்த அவர், “என்னை ஜட்ஜ் பண்ணும் அதிகாரத்தை சோனம் கபூருக்கு தந்தது யார்..? அப்படியானால் அவர் சில பெண்களை நம்புவதற்கும், நம்பாததற்கும் ஏதாவது லைசென்ஸ் வைத்துள்ளாரா..? நான் ஒன்றும் அவரைப்போல தந்தையின் புகழால் வளர்ந்தவள் இல்லை. வருடக்கணக்கில் தனியாளாக போராடி இந்த இடத்திற்கு வந்தவள். என்னை குறைகூறும் அளவுக்கு அவர் ஒன்றும் பெரிய ஆள் இல்லை” என கொட்டி தீர்த்துவிட்டார்.
