கொக்குவில் ஆடியபாதம் வீதியில் இளைஞனை தாக்குவதற்கு 8பேர் கொண்ட கும்பல் விரட்டியுள்ளது. தப்பித்து ஓடிய இளைஞன் கிணற்றுக்குள் தவறி வீழ்ந்துள்ளார்.
இளைஞனை குழு ஒன்று விரட்டிச் செல்வதைக் கண்ட பொலிஸாரும் கலைத்துச் சென்றனர். தாக்குதல் நடத்தச் சென்ற கும்பலைச் சேர்ந்த 3 பேரைக் கைது செய்துள்ளனர்.
ஆடியபாதம் வீதியில் இளைஞன் ஒருவனை 8 உந்துருளிகளில் வந்த 24பேர் கொண்ட கும்பல் விரட்டியுள்ளது. தாக்குதல் கும்பலிடமிருந்து தப்புவதற்காக இளைஞன் ஓடியுள்ளார். தாக்குதல் நடத்த வந்த கும்பலும் கலைத்துச் சென்றுள்ளது. தப்பி ஓடிய இளைஞன் கிணற்றுக்குள் தவறி வீழ்ந்துள்ளார். கிணற்றுக்குள் கல் எறிந்து இளைஞன் மீது தாக்குதல் நடத்தப்பட்டது.
இளைஞனை குழு ஒன்று விரட்டிச் செல்வதை அவதானித்த கோப்பாய் பொலிஸாரும், கலைத்துச் சென்றிருந்தனர். இளைஞன் மீது கிணற்றுக்குள் கல் எறிந்து தாக்குதல் நடத்தப்படுவதை அவதானித்த பொலிஸார், தாக்குதல் நடத்திய குழுவை பிடிப்பதற்கு முயற்சித்தனர்.
8 உந்துருளிகளிலும் அவர்கள் தப்பி ஓடியுள்ளனர். விரட்டிச் சென்ற பொலிஸார், ஒரு உந்துருளியை உதைந்து விழுத்தி அதில் பயணம் செய்த மூன்று பேரைக் கைது செய்துள்ளனர். அவர்களிடமிருந்து ஒரு வாள் மற்றும் கத்தி மீட்கப்பட்டன.
