புதுச்சேரி ஆளுநராக கிரண்பேடி பதவியேற்றுக் கொள்ளும் விழாவில் கலந்து கொள்வதற்காக நடிகர்கள் ரஜினி, விஜய்க்கு அழைப்பு வழங்கப்பட்டுள்ளது.

புதுச்சேரியில் காங்கிரஸ் தலைமையிலான ஆட்சி அமைய உள்ளது, முதல்வராக நாராயணசாமி தெரிவு செய்யப்பட்டுள்ளார்.

இந்நிலையில் ஆளுநராக கிரண்பேடி நியமிக்கப்பட்டுள்ளார், இன்று மாலை 6.30 மணிக்கு பதவியேற்றுக் கொள்கிறார்.

இந்த விழாவில் கலந்து கொள்வதற்காக தமிழ் சினிமாவின் முன்னணி நடிகர்களான ரஜினி, விஜய் இருவருக்கும் அழைப்பு வழங்கப்பட்டுள்ளது.

கிரண் பேடி சார்பாக இந்த அழைப்பிதழை ரஜினி மற்றும் விஜய் இருவரின் வீடுகளிலும் நேரில் வந்து வழங்கியிருக்கின்றனர்.

இவர்களை பாஜக-வில் இழுக்கும் முயற்சியே என அரசியல் நோக்கர்கள் கருதுகின்றனர்.