நாட்டில் வழமையைவிட காற்றின் வேகம் அதிகரித்துள்ளது. மணித்தியாலத்துக்கு 15 தொடக்கம் 40 கிலோமீற்றர் வரையான வேகத்தில் தற்போது காற்று வீசுகிறது.
இவ்வாறு யாழ்ப்பாணம் திருநெல்வேலியிலுள்ள வளிமண்டலவியல் திணைக்களப் பொறுப்பதிகாரி ரி.பிரதீபன் தெரிவித்தார்.
முன்னர் மணித்தியாலத்துக்கு சுமார் 10 கிலோமீற்றர் வரையான வேகத்திலேயே காற்று வீசும். தற்போது சில நாள்களாக இதன் வேகம் அதிகரித்துள்ளது.கடற்பரப்பில் தற்போது மணித்தியாலத்துக்கு 50 தொடக்கம் 60 கிலோ மீற்றர் வரையான வேகத்தில் காற்று வீசுகிறது.
கடலில் பயணம் செய்வோரும் மீனவ சமூகமும் இந்தவிடயத்தில் அவதானமாக இருக்குமாறு அறிவுறுத்தப்பட்டுள்ளது.
