திருகோணமலையில் கோடீஸ்வர வர்த்தகர் ஒருவரின் மகன் கடத்தப்பட்டுள்ளதாக கொழும்பு ஊடகம் ஒன்று தகவல் வெளியிட்டுள்ளது.
கடத்தல் சம்பவம் தொடர்பில் பொலிஸார் தீவிர விசாரணைகளை ஆரம்பித்துள்ளனர்.
திருகோணமலை 4ஆம் மைல்கல் பிரதேசத்தை சேர்ந்த 23 வயதுடைய இளைஞன் ஒருவரே இவ்வாறு கடத்தப்பட்டுள்ளார்.
தனது காதலியின் வீட்டிற்கு சென்று திரும்பும் போதே குறித்த இளைஞன் இனந்தெரியாத நபர்களால் கடத்தப்பட்டுள்ளார்.
கடத்தப்பட்ட இளைஞனின் தாயாருக்கு தொலைபேசி அழைப்பினை மேற்கொண்ட சிலர், தந்தை தொடர்பான தகவலை பெற்றுக் கொள்வதற்காக மகன் கடத்தப்பட்டார் என குறிப்பிட்டுள்ளனர்.
கடத்தல் சம்பவம் தொடர்பில் பொலிஸாருக்கு தெரியப்படுத்தக் கூடாது என தாயாரை அச்சுறுத்தியுள்ளனர்.
எனினும் தாயார் சம்பவம் தொடர்பில் பொலிஸாரிடம் முறைப்பாடு செய்துள்ள நிலையில், பொலிஸார் இளைஞனை தேடி விசாரணைகளை ஆரம்பித்துள்ளனர்.
கடந்தப்பட்ட இளைஞனின் தந்தை திருகோணமலையில் பிரபல வர்த்தகராகும். சில வருடங்களுக்கு முன்னர் இனந்தெரியாத நபர்களால் அவர் சுட்டுக் கொலை செய்யப்பட்டுள்ளதாக குறித்த ஊடகம் சுட்டிக்காட்டியுள்ளது.
