டில்லியில் உள்ள நிஜாமுதீன் தர்கா சந்தனக்கூடு விழாவில் பங்கேற்க, ௧௯௨ பாகிஸ்தானியருக்கு, ‘விசா’ வழங்க, இந்திய வெளியுறவு அமைச்சகம் மறுத்துவிட்டதாக, பாக்., குற்றம் சாட்டியுள்ளது.
தலைநகர் டில்லியில் உள்ள நிஜாமுதீன் தர்காவில், சந்தனக்கூடு விழா விரைவில் நடக்க உள்ளது. பாகிஸ்தானைச் சேர்ந்தவர்கள், ஆண்டுதோறும் இதில் பங்கேற்பது வழக்கம்.இந்நிலையில், பாக்,, வெளியுறவு அமைச்சகம் வெளியிட்ட அறிக்கையில் கூறியிருப்பதாவது:டில்லி நிஜாமுதீன் சந்தனக்கூடு விழாவில் பங்கேற்க, இந்திய விசா கேட்டு, ௧௯௨ பாகிஸ்தானியர் விண்ணப்பித்து இருந்தனர்.
இந்தியா – பாக்., இடையே, ௧௯௭௪ல் ஏற்பட்ட ஒப்பந்தப்படி, அவர்களுக்கு விசா வழங்க வேண்டும். ஆனால், இந்தியா மறுத்துவிட்டது. இவ்வாறு அறிக்கையில் கூறப்பட்டுள்ளது.
