காஷ்மீரில் நடந்த என்கவுன்டரில் முக்கிய தீவிரவாதி சுட்டுக்கொல்லப்பட்டான். தலைமறைவான மற்றொரு தீவிரவாதியை தேடி வருகின்றனர்.
காஷ்மீரின் புல்வாமா மாவட்டம், சாம்பூராவில் தீவிரவாதிகள் பதுங்கியிருப்பதாக கிடைத்த தகவலின்படி போலீசார் அங்கு விரைந்து சென்றனர். தீவிரவாதிகளை சுற்றி வளைத்த நிலையில், போலீசாரை நோக்கி அவர்கள் சரமாரியாக சுட்டுனர்.
போலீசார் தக்கபதிலடி கொடுத்த நிலையில், இன்று காலை தீவிரவாதி ஒருவன் சுட்டுக்கொல்லப்பட்டான்.
அவன் பெயர் நூர் முகம்மது என்பதும், ஜெய்ஷ்-இ-முகம்மது என்ற தீவிரவாத அமைப்பை சேர்ந்தவன் எனவும் தெரியவந்தது.
சுட்டுக்கொல்லப்பட்ட தீவிரவாதியிடம் இருந்து நவீனரக துப்பாக்கிகள், வெடிபொருட்கள் கைப்பற்றப்பட்டன. தலைமறைவான மற்றொரு தீவிரவாதியை போலீசார் தேடி வருகின்றனர். சுட்டுக்கொல்லப்பட்ட தீவிரவாதி நூர் முகம்மது, ஜெய்ஷ் இ முகம்மது அமைப்பின் முக்கிய நபர்.
கடந்த 2015ம் ஆண்டில் காஷ்மீர் விமான நிலையத்தில் நடந்த தற்கொலைப்படை தாக்குதலுக்கு மூளையாக செயல்பட்டவன் என்பது குறிப்பிடத்தக்கது.
.
