தெற்கு பிலிப்பைன்சில் சூறாவளி தாக்குதலால் நில சரிவு ஏற்பட்டு பலியானோர் எண்ணிக்கை 90 ஆக உயர்ந்துள்ளது.பிலிப்பைன்சில் மின்டானாவ் தீவில் துபோட் நகரருகே டெம்பின் என்ற சூறாவளி கடுமையாக தாக்கியது. இதனால் வெள்ளம், நில சரிவு ஏற்பட்டது. நிலசரிவில் ஒரு கிராமம் புதைந்தது.
இந்த சூறாவளி தாக்குதலில் துபோட் நகரில் 19 பேர் பலியாயினர். அருகிலுள்ள நகரங்களில் சூறாவளி பாதிப்பினால் 4 பேரும், லானாவ் டெல் சர் மாகாணத்தில் 7 பேரும் பலியாகினர்.
இந்நிலையில், நில சரிவில் கிராமம் புதைந்து போனதில் சிக்கி பலியானோரின் எண்ணிக்கை 90 ஆக உயர்ந்துள்ளது. இதுபற்றி துபோட் நகர அதிகாரி ஒருவர் கூறுகையில், ”சூறாவளியை தொடர்ந்து பெய்த கனமழையால் ஏற்பட்ட நிலச்சரிவில் கிராமம் புதைந்து போனது பற்றி
தகவல்களை உறுதிப்படுத்தும் முயற்சியில் ஈடுபட்டுள்ளோம்,” என கூறியுள்ளார்.
