இலங்கையின் புவியியல் அமைவிடத்தைக் கருத்திற்கொண்டு சர்வதேச கொடுக்கல் வாங்கல்களில் அணிசேராக் கொள்கையை அனுசரிப்பது அவசியமென மாநகர மற்றும் மேல்மாகாண அபிவிருத்தி அமைச்சர் பாட்டலி சம்பிக்க ரணவக்க தெரிவித்துள்ளார்.
இலங்கை, சீனாவுடன் கொண்டுள்ள உறவுகள் காரணமாக இந்துமா சமுத்திரத்தின் ஏனைய நாடுகளான உறவுகளைத் தொடர்வதில் சிக்கல்கள் எழலாம். இதன் காரணமாக பிரச்சினைகளைத் தீர்ப்பது அவசியமாகிறதென அமைச்சர் குறிப்பிட்டார். அரசியல் யாப்புப் தொடர்பாக ஜாதிக ஹெல உறுமய கட்சி வகுத்துள்ள யோசனைகளை மல்வத்து, அஸ்கிரிய பீடங்களின் மஹாநாயக்கர்கள் மத்தியில் அமைச்சர் பாட்டலி சம்பிக்க ரணவக்க விபரித்தார். அதனைத் தொடர்ந்து அவர் செய்தியாளர்கள் மத்தியில் இவ்வாறு கருத்து வெளியிட்டார்.
