சசிகலாவை சந்திக்க சென்ற அதிமுக மகளிர் அணியினர் சிறை காவலர்களால் விரட்டியடிக்கப்பட்டுள்ள சம்பவம் வீடியோவாக வெளியாகியுள்ளது.

சொத்துக்குவிப்பு வழக்கில் 4 வருட சிறை தண்டனை பெற்ற அதிமுக பொதுச் செயலாளர் வி.கே.சசிகலா பெங்களூரு பரப்பன அக்ரஹாரா சிறையில் அடைக்கப்பட்டுள்ளார்.

இந்நிலையில் சசிகலாவை நேரில் சந்திக்க முன்னாள் அமைச்சர்களான வளர்மதி, கோகுல இந்திரா, செய்தி தொடர்பாளர் சி.ஆர்.சரஸ்வதி ஆகியோர் பெங்களூரு சிறைக்கு சென்று வளாகத்தில் நான்கு மணிநேரம் காத்திருந்துள்ளனர்.

ஆனால், சசிகலாவை சந்திக்க நாள்தோறும் அனுமதிக்க முடியாது என்று கூறி சிறைத்துறை அதிகாரிகள் அனுமதிக்க மறுத்துவிட்டதாக கூறப்படுகிறது.

அப்போது, சிறை நுழைவு வாயில் பாதுகாப்பு பாணியில் ஈடுபட்டுக்கொண்டிருந்த சிறை காவலர்கள் அவர்களை விரட்டியத்ததாக கூறப்படுகிறது. தற்போது, அவர்கள் விரட்டியடிப்பது போன்ற காட்சி இணையத்தில் வெளியாகியுள்ளது.