இசையமைப்பாளரும், முன்னணி நட்சத்திர நடிகருமான விஜய் அண்டனி கொமர்ஷல் நாயகனாக நடித்திருக்கும் ‘ஹிட்லர்’ எனும் திரைப்படம் எதிர்வரும் ஓகஸ்ட் மாதத்தில் வெளியிட திட்டமிடப்பட்டிருப்பதாக படக் குழுவினர் பிரத்யேக போஸ்டரை வெளியிட்டு உற்சாகத்துடன் அறிவித்திருக்கிறார்கள்.
‘படை வீரன்’, ‘வானம் கொட்டட்டும்’ ஆகிய படங்களை இயக்கிய இயக்குநர் தனசேகரன் இயக்கத்தில் உருவாகி இருக்கும் ‘ஹிட்லர்’ எனும் திரைப்படத்தில் விஜய் அண்டனி, ரியா சுமன், கௌதம் வாசுதேவ் மேனன், ‘ஆடுகளம்’ நரேன், விவேக் பிரசன்னா, தமிழ், சரண் ராஜ், ரெடின் கிங்ஸ்லி உள்ளிட்ட பலர் நடித்திருக்கிறார்கள். நவீன் குமார் ஒளிப்பதிவு செய்திருக்கும் இந்த திரைப்படத்திற்கு விவேக்- மெர்வின் இசையமைத்திருக்கிறார்கள். எக்சன் என்டர்டெய்னராக தயாராகி இருக்கும் இந்த திரைப்படத்தை செந்தூர் பிலிம் இன்டர்நேஷனல் பட நிறுவனம் சார்பில் தயாரிப்பாளர் டி டி ராஜா தயாரித்திருக்கிறார்.
அனைத்து பணிகளும் நிறைவடைந்து வெளியீட்டிற்காக காத்திருக்கும் இந்த திரைப்படத்தை எதிர்வரும் ஓகஸ்ட் மாதத்தில் வெளியிட திட்டமிடப்பட்டு வருவதாக படக் குழுவினர் தெரிவித்திருக்கிறார்கள்.
இதனிடையே விஜய் அண்டனி நடித்த ‘மழை பிடிக்காத மனிதன்’ திரைப்படம் ஜூன் மாதம் வெளியாகும் என அறிவிக்கப்பட்டிருந்தது. ஆனால் படக்குழுவினருக்கு தமிழ் மற்றும் தெலுங்கு மொழியில் ஒரே தருணத்தில் வெளியீட்டிற்குரிய சரியான திகதி கிடைக்காததால் இதுவரை படம் எந்த திகதியில் வெளியாகும் என்ற உறுதியான அறிவிப்பை வெளியிடவில்லை என்பதும், விஜய் அண்டனி நடிப்பில் தயாராகி இருக்கும் ‘ஹிட்லர்’ படத்தை தயாரித்த தயாரிப்பு நிறுவனம் -தங்களது திரைப்படம் ஓகஸ்டில் வெளியாகும் என அறிவித்திருப்பதால், விஜய் அண்டனி நடித்திருக்கும் ‘மழை பிடிக்காத மனிதன்’ திரைப்படம் ஜூலையில் வெளியிடப்பட வேண்டிய கட்டாயத்தில் இருப்பதாக திரையுலகினர் தெரிவித்திருக்கிறார்கள். என்பதும், ஜூலையில் ‘உலக நாயகன்’ கமல்ஹாசன்+ பிரம்மாண்ட இயக்குநர் ஷங்கரின் கூட்டணியில் தயாரான ‘இந்தியன் 2’ திரைப்படம் வெளியாகிறது என்பதும், தனுஷ் +சன் பிக்சர்ஸ் கூட்டணியில் தயாராகும் ‘ராயன்’ திரைப்படமும் ஜூலையில் வெளியாகிறது என்பதும் குறிப்பிடத்தக்கது.
