மீகொடை பொருளாதார மத்திய நிலையத்தில் இடம்பெற்ற கொள்ளைச் சம்பவத்துடன் தொடர்புடைய பிரதான சந்தேக நபர்கள் இருவர் கைது செய்யப்பட்டுள்ளனர்.
இவர்கள் இன்று ஞாயிற்றுக்கிழமை (18) ஹம்பாந்தோட்டை மற்றும் கொடகவெல பிரதேசங்களில் வைத்து கைது செய்யப்பட்டுள்ளனர்.
இதேவேளை, இவர்களிடமிருந்து துப்பாக்கி மற்றும் மோட்டார் சைக்கிள் என்பன பொலிஸ் விசேட அதிரடிப்படையினரால் கைப்பற்றப்பட்டுள்ளன.
கடந்த 12ஆம் திகதி மீகொட பொருளாதார மத்திய நிலையத்தின் கடையொன்றில் கொள்ளையிடப்பட்டு அங்கு பணிபுரிந்த 23 வயதுடைய யுவதியை துப்பாக்கியை காட்டி மிரட்டிவிட்டு அங்கிருந்து தப்பியோடியிருந்தனர்.
