தொலைக்காட்சி தொகுப்பாளனி மற்றும் பிக் பாஸ் போட்டியாளர்களில் ஒருவரான அர்ச்சனா கடந்த சில நாட்களுக்கு முன் தனது கணவரை விவாகரத்து செய்ய முடிவு செய்ததாக பேட்டி ஒன்றில் கூறியிருப்பது பெரும் அதிர்ச்சியை ஏற்படுத்தியுள்ளது.
விஜய் டிவி மற்றும் ஜீ டிவிகளில் தொகுப்பாளராக பணிபுரிந்த அர்ச்சனா சமீபத்தில் நிகழ்ச்சி ஒன்றில் கலந்து கொண்டார். அதில் ’இதுவரை நான் யாரிடமும் சொல்லாத ஒரு ரகசியத்தை இப்போது சொல்கிறேன் என்று கூறிய அவர் ’கடந்த ஒரு மாதத்திற்கு முன்னால் நானும் என் கணவரும் விவாகரத்து செய்ய முடிவு செய்தோம்’ என்று கூறி அதிர்ச்சியை ஏற்படுத்தினார்.
அதன் பிறகு தனது மகள் சாரா ’நீங்கள் இருவரும் ஒருவரை ஒருவர் பிரிந்து வாழ முடியுமா என்பதை யோசித்துக் கொள்ளுங்கள்’ என்று கூறியதை அடுத்து நாங்கள் அந்த முடிவை கைவிட்டு தற்போது மீண்டும் 20 வருடங்களுக்கு முன் எப்படி காதலித்தோமோ அதுபோல் தற்போது வாழ்ந்து வருகிறோம்’ என்றும் அர்ச்சனா கூறினார்.
அர்ச்சனாவின் கணவர் வினீத் ராணுவத்தில் பணி செய்கிறார் என்பதும் அர்ச்சனா தொகுப்பாளியானாக இருக்கிறார் என்பதால் இருவரும் வெவ்வேறு துறைகளில் இருப்பதால் பல கருத்து வேறுபாடு வந்ததாகவும் அவர் தெரிவித்துள்ளார்.
பிக்பாஸ் நிகழ்ச்சியின் போது அன்பு தான் ஜெயிக்கும் என்று ஓங்கி குரல் கொடுத்துக் கொண்டிருந்த அர்ச்சனாவின் விவாகரத்து முடிவு அவருடைய மகளின் அன்பால் மாறி உள்ளதால் அன்பு ஜெயித்துவிட்டது என்று நெட்டிசன்கள் கூறி வருகின்றனர்.
