இலங்கையில் இருக்கின்ற இந்த தமிழ் தலைவர்கள் இவ்வாறு தமிழர்களுக்கு மட்டுமன்றி முழு இலங்கையர்களுக்கும் உதவிகளை வழங்குங்கள் என்று கூறிய விடயம் தமிழக முதல்வர் ஸ்டாலினை நெகிழ வைத்திருக்கின்றது என இந்து பத்திரிகையின் சிரேஷ்ட இணை ஆசிரியர் டி. இராமகிருஷ்ணன் தெரிவித்துள்ளார்.
பத்திரிகை ஒன்றுக்கு வழங்கிய நேர்காணலில் அவர் அதனை குறிப்பிட்டுள்ளார்.
தொடர்ந்தும் தெரிவிக்கையில்,
இலங்கைக்கான தமிழகத்தின் அவசர உதவி சரியான நேரத்தில் பொருத்தமான தருணத்தில் தமிழக அரசினால் வழங்கப்படுகிறது. மார்ச் 31 ஆம் திகதி தமிழக முதல்வர் மு.க.ஸ்டாலின் இந்திய பிரதமர் நரேந்திர மோடியை சந்தித்தபோது மனு ஒன்றை கொடுத்திருந்தார். அதில் பல கோரிக்கைகள் இருந்தன.
