இன்று உலகத் தொழிலாளர் தினம். உலகம் முழுவதிலும் பரந்து விரிந்து பெரும்பான்மையாக வாழ்கின்ற உழைப்பாளர் வர்க்கத்தின் உரிமைகள் குறித்தும் விடியல் குறித்தும் சிந்தனையை வலுப்படுத்துகின்ற நாள் இன்றாகும்.
இந்த உலகின், உலக நாடுகளின் மேம்பாட்டிற்காக தங்கள் உதிரத்தை பிழிந்து உழைப்பை வழங்கும் உழைப்பாளிகளின் உன்னத பணி போற்றத் தக்கது. அவர்களின் வாழ்வும் புகழும் மேலோங்க வேண்டும்.
அன்றாட கூலித் தொழிலாளிகள் அல்லது பின்மட்ட உழைப்பாளிகளின் வாழ்வு இந்த உலகம் முழுவதிலும் ஒரே விதமான துயர நிலையில்தான் காணப்படுகின்றது. மங்கிய ஒளியில் அவர்தம் வாழ்வு நடுங்குகிறது.
எனவே இன்றைய நாள் மாத்திரமின்றி, ஒவ்வொரு நாளும் உழைப்பாளிகளின் உன்னத பங்களிப்பை நினைந்து அவர்களை மதித்து, அவர்களை போற்றுகின்ற உண்மை மனிதர்களாக வாழ்வோம்.
-கிருபா பிள்ளை
