பொத்துவில் முதல் பொலிகண்டி வரை எழுச்சிப் போராட்ட அமைப்பின் ஒருங்கிணைப்பாளர் வேலன் சுவாமி அவர்களின் கருத்துக்களும் செயற்பாடுகளும் முன்னுதாரணமானவை. அவற்றை நாம் கவனிக்கவும் மதிப்பளிக்கவும் வரவேற்கவும் வேண்டும்.
அண்மையில் அமெரிக்கா் தூதுவர் ஜூலி சுங்கிற்கும் தமிழ் தலைமைகளுக்கும் இடையில் ஒரு சந்திப்பு நடைபெற்று. அதன் பின்னர் அவர்கள் வெளிப்படுத்திய உப்புச்சப்பற்ற கருத்துக்கள் தொடர்பில் தமது ஆதங்கத்தை வெளியிட்டிருந்தோம்.
இதேவேளை வேலன் சுவாமிகள் உள்ளிட்ட சிவில் தலைவர்கள் தரப்பையும் அமெரிக்க தூதுவர் சந்தித்துள்ளார். இதன்போது தமிழ்மக்களின் மனக்குமுறலை அபிலாசைகளையும் வேலன் சுவாமிகள் தெளிவாக வலியுறுத்தியுள்ளார்.
வடக்கு கிழக்கு மற்றும் புலம்பெயர் தேசத்தில் தமிழர்களின் அரசியல் நிலைப்பாடு தொடர்பாக பொதுவாக்கெடுப்பு நடத்த வேண்டும், முள்ளிவாய்க்கால் இனப் படுகொலைக்கான நினைவேந்தலை ஒன்றுபட்டு நடாத்த வேண்டும் என தமிழ் மக்களின் மனங்களில் உள்ள கருத்துக்களை வேலன் சுவாமிகள் பேசுவது வரவேற்கத்தக்கது.
தமிழ் அரசியலில் ஒற்றுமையின் அவசியம் பற்றியும் நீதி மற்றும் உரிமையை பெற வேண்டிய தார்மீகத்தின் அடிப்படையையும் தனது அறிவால் உணர்வுபூர்வமாக வலியுறுத்தி வருகின்றமை நம் எல்லோரையும் சிந்திக்கவும் செயற்படவும் வைக்கிறது.
தமிழ் அரசியல் தலைமைகள் இவரை போன்றவர்களிடம் இருந்து கற்றுக்கொள்ள ஏராளம் விடயங்கள் உள்ளன. அத்துடன் அவர் கூறியிருப்பதை போல எதிர்வருகின்ற மே மாத இனப்படுகொலை நினைவேந்தல் தினத்தை ஈழத்தமிழினம் ஒன்றுபட்டு வட கிழக்கில் மாபெரும் எழுச்சியை ஏற்படுத்தும் வகையில் முன்னெடுத்து இந்த உலகத்திற்கு நம் செய்தியையும் அபிலாசைகளையும் எடுத்துரைக்க வேண்டும்.
கிருபா பிள்ளை
#No 1 TamilWebSite 
| http://Facebook page / easy 24 news | Easy24News – யூடியூப் YouTube | [email protected]
