மலையாள திரை உலகின் இளைய சூப்பர் ஸ்டார் துல்கர் சல்மான் நடிப்பில் தயாராகியிருக்கும் ‘ ஹே சினாமிகா’ படத்தின் ஃபர்ஸ்ட் லுக் வெளியாகி இருக்கிறது. இதனை தமிழில் நடிகர் சூர்யா மற்றும் திருமதி ஜோதிகா சூர்யா ஆகியோர் இணைந்து வெளியிட்டனர்.
நடன இயக்குநராக அறியப்பட்ட பிருந்தா முதன் முதலாக இயக்குநராக அறிமுகமாகும் திரைப்படம் ‘ ஹே சினாமிகா’. இதில் மலையாள திரை உலகின் இளைய சூப்பர் ஸ்டார் துல்கர் சல்மான் கதையின் நாயகனாக நடிக்க, அவருக்கு ஜோடியாக நடிகை காஜல் அகர்வால் மற்றும் நடிகை அதிதி ராவ் ஹையாத்ரி ஆகியோர் நடிக்கிறார்கள். ப்ரீத்தா ஜெயராமன் ஒளிப்பதிவு செய்யும் இந்தப் படத்திற்கு கோவிந்த் வசந்தா இசை அமைக்கிறார். கொரோனா காரணமாக படத்தின் பணிகள் இடைநிறுத்தம் செய்யப்பட்டிருந்தது.
தற்போது இறுதிகட்ட பணிகள் நிறைவடையும் நிலையை எட்டிவிட்டதால், தற்போது இப்படத்தின் ஃபர்ஸ்ட் லுக்கை வெளியிட்டிருக்கிறார்கள். ஹே சினாமிகா திரைப்படம் அடுத்த ஆண்டு பிப்ரவரி மாதம் 25 ஆம் திகதியன்று உலகம் முழுவதும் தமிழ், தெலுங்கு, மலையாளம், ஹிந்தி ஆகிய மொழிகளில் வெளியாகும் என அதிகாரப்பூர்வமாக அறிவிக்கப்பட்டிருக்கிறது.
‘ஹே சினாமிகா’ பட ஃபர்ஸ்ட் லுக்கில் ஒன்பது கோணங்களில் துல்கர் சல்மான் இடம்பெற்றிருப்பதால், நவரசங்களை வெளிப்படுத்தும் இசைக்கலைஞனின் வாழ்க்கையைப் பேசும் படம் இது என்பதை இயக்குநர் குறிப்பால் உணர்த்தியிருப்பதால் இணையவாசிகளிடம் பெரும் வரவேற்பு கிடைத்து வருகிறது.
#No 1 TamilWebSite 
| http://Facebook page / easy 24 news | Easy24News – YouTube | [email protected]
