ரகுமான் நடித்த ‘துருவங்கள் பதினாறு’ படத்தின் மூலம் வெற்றியடைந்த புதுமுக இயக்குநர் கார்த்திக் நரேன், அடுத்து இயக்கி வரும் புதிய படம் ‘நரகாசுரன்’. இயக்குநர் கௌதம் மேனன் தயாரிப்பில் தமிழ் தெலுங்கு என இரண்டு மொழிகளில் உருவாகும் இந்தப்படத்தில் அர்விந்த் சாமி, சந்தீப் கிஷன், மலையாள ஹீரோ இந்திரஜித் சுகுமாரன் மூவரும் ஹீரோவாக நடிக்க, ஸ்ரேயா, ‘மீசைய முறுக்கு’ ஆத்மிகா இருவரும் கதாநாயகிகளாக நடிக்கின்றனர்.
‘மாயா’ புகழ் ரான் எத்தன் யோஹான் ‘நரகாசுரன்’ படத்திற்கு இசையமைக்கிறார். சுஜித் சாரங் ஒளிப்பதிவு செய்யும் இப்படத்திற்கு ஸ்ரீஜித் சாரங் எடிட்டிங் செய்கிறார். கடந்த செப்டம்பர் 16ஆம் தேதி துவங்கிய இப்படத்தின் படப்பிடிப்பை 40 நாட்களில் முடிக்க கௌதம் மேனன் திட்டமிட்டிருந்தாராம். திட்டமிட்டதற்கு ஒரு நாள் கூடுதலாக 41 நாட்களில் மொத்த படப்பிடிப்பையும் முடித்துள்ளார் இயக்குநர் கார்த்திக் நரேன்.
