ரஷ்யாவின் தூர கிழக்கு பிராந்தியமான கம்சட்காவில் செவ்வாய்க்கிழமை 28 பேருடன் பயணித்த விமானமொன்று காணாமல் போயுள்ளதாக அதிகாரிகள் தெரிவித்துள்ளனர்.
பெட்ரோபாவ்லோவ்ஸ்க் – கம்சாட்ச்கி நகரத்திலிருந்து பழனா செல்லும் வழியில் ரஷ்ய ஆன் -26 என்ற விமானத்தினூடனான தகவல் தொடர்புகள் துண்டிக்கப்பட்டுள்ளதாக தெரிவிக்கப்படுகிறது.
“ஆன் -26 விமானத்தில் ஆறு பணியாளர்கள் மற்றும் 22 பயணிகள் (ஒரு குழந்தை உட்பட) உள்ளனர். ரஷ்ய அவசர அமைச்சகத்தின் ஹெலிகொப்டர் மற்றும் படையினர் தேடுதல் மற்றும் மீட்பு நடவடிக்கைக்கு தயாராகி வருகின்றன” என்று அவசர சேவைகளின் பிரதிநிதி ஒருவர் தெரிவித்தார்.
