இரத்தினபுரி, எலபாத்த பொலிஸ் பிரிவுக்கு உட்பட்ட பகுதியில் 25 வயதுடைய பெண் ஒருவர் நேற்று (27) பிற்பகல் சந்தேகத்திற்கிடமான முறையில் உயிரிழந்த சம்பவம் தொடர்பில் எலபாத பொலிஸார் விசாரணைகளை ஆரம்பித்துள்ளனர்.
எலபாத்த, கிரியெல்ல பிரதேசத்தில் உள்ள நீரோடைக்கு அருகில் குறித்த பெண் சடலமாக மீட்கப்பட்டதாக பொலிஸார் தெரிவித்தனர்.
உயிரிழந்தவர் நிரியெல்ல பகுதியைச் சேர்ந்த 25 வயதுடையவர் என அடையாளம் காணப்பட்டுள்ளார்.
அன்றைய தினம் காணாமல் போனதாக பெண்ணின் தாயார் செய்த முறைப்பாட்டின் அடிப்படையில் பொலிஸார் மேற்கொண்ட விசாரணைகளை அடுத்து
சடலம் மீட்கப்பட்டுள்ளது. சடலம் பிரேத பரிசோதனைக்காக இரத்தினபுரி வைத்தியசாலையில் வைக்கப்பட்டுள்ளதுடன் எலபாத்த பொலிஸார் விசாரணைகளை மேற்கொண்டு வருகின்றனர்.
