கடந்த 2017 ஆம் ஆண்டை விடவும் 2018 ஆம் ஆண்டில் இலங்கைக்கு வந்த வெளிநாட்டு சுற்றுலாப் பயணிகள் எண்ணிக்கை அதிகரித்துள்ளதாக சுற்றுலா அபிவிருத்தி அதிகாரசபை அறிவித்துள்ளது.
நேற்று வெளியிட்டுள்ள அறிக்கையிலேயே இந்த தகவல் கூறப்பட்டுள்ளது.
கடந்த வருடத்தில் சுற்றுலாப் பயணிகள் வருகை அதற்கு முன்னைய வருடத்தை விடவும் 10 சதவீதம் அதிகமானதாகும். அதாவது 2017 ஆம் ஆண்டில் 21 இலட்சம் உல்லாசப் பயணிகள் வருகை தந்த அதேவேளை, 2018 ஆம் ஆண்டில் 23 இலட்சம் பேர் வருகை தந்துள்ளனர்.
கடந்த வருடத்தின் ஏனைய மாதங்களுடன் ஒப்பிடும்போது டிசம்பரிலேயே அதிக எண்ணிக்கையான உல்லாசப் பயணிகள் (250,000 பேர்) வந்திருந்தனர் எனவும் அவ்வறிக்கையில் மேலும் தெரிவிக்கப்பட்டுள்ளது.
