12 வதேயான பாடசாலை மாணவன் ஒருவன் வர்த்தக நிலையங்களின் கூரைகளை பிரித்து கொள்ளையிட்ட சம்பவமொன்று இடம்பெற்றுள்ளது. தொம்பே பிரதேசத்தைச் சேர்ந்த பிரபல பாடசாலையொன்றின் மாணவரே இவ்வாறு கொள்ளைச் சம்பவத்தில் ஈடுபட்டுள்ளார்.
கொள்ளையிட்ட பாடசாலை மாணவரையும் அவருக்கு உதவிய பாதுகாப்பு உத்தியோகத்தர் ஒருவரையும் பொலிஸார் கைது செய்துள்ளனர்.
மாணவனிடம் இருந்து 7500 ரூபா பெறுமதியான பால் மா உள்ளிட்ட பல்வேறு பொருட்கள் மீட்கப்பட்டுள்ளன. வர்த்தக நிலையங்களின் கூரைத் தகடுகளை அகற்றி வர்த்தக நிலையங்களுக்குள் பிரவேசித்து மாணவன் கொள்ளையிட்டு வந்துள்ளமை விசாரணைகள் மூலம் தெரியவந்துள்ளது.
இந்த மாணவரும் பாதுகாப்பு உத்தியோத்தரும் பூகொட நீதிமன்றில் முன்னிலைப்படுத்தப்பட்டு விளக்க மறியலில் வைகப்பட்டுள்ளனர்.
