வெளிநாட்டு மதுபான போத்தல்களுடன் இந்தியர் ஒருவர் கட்டுநாயக்க வானூர்தி நிலையத்தில் வைத்துக் கைது செய்யப்பட்டுள்ளார்.
கட்டுநாயக்க வானூர்தி நிலையப் பொலிஸாருக்கு கிடைத்த தகவலை அடுத்து, குறித்த நபர் கைது செய்யப்பட்டார். மது வரித் திணைக்களத்திடம் வரி செலுத்தாது நாட்டுக்குள் கொண்டு வரப்பட்ட 9 வெளிநாட்டு மதுபான போத்தல்களும் கைப்பற்றப்பட்டன.
கைது செய்யப்பட்டவர் 49 வயதான இந்தியக் குடிமகன் என்று பொலிஸார் தெரிவித்தனர். சந்தேகநபர் மினுவங்கொடை நீதவான் நீதிமன்றில் முன்னிலைப்படுத்தப்படுவார் என்றும் பொலிஸார் தெரிவித்தனர்.
