யாழ்ப்பாணம், அல்லாரையைச் சேர்ந்த இளைஞர் ஒருவர் வெளிநாட்டில் உயிரிழந்துள்ளார்.
கடந்த வெள்ளிக்கிழமை டுபாயில் குறித்த இளைஞர் உயிரிழந்துள்ளதாக தெரிவிக்கப்படுகின்றது.
காய்ச்சலே இவரது உயிரிழப்புக்குக் காரணம் என்று கூறப்படுகின்றது.
சுதந்திரலிங்கம் தினேஸ் (வயது-28) என்ற இளைஞரே இவ்வாறு உயிரிழந்தார்.
உயிரிழப்பதற்கு முந்தைய நாள் குடும்பத்தினருடன் தொலைபேசியில் உரையாடிய குறித்த இளைஞன் தனக்கு காய்ச்சல் என குடும்பத்தினரிடம் குறிப்பிட்டுள்ளார்.
மறுநாள் அவரைக் குடும்பத்தினர் தொடர்புகொள்ள முயற்சித்த போது முடியவில்லை என்றும், இளைஞருடன் இருந்த நண்பர்கள் மூலம் அவர் உயிரிழந்தமை தெரியவந்துள்ளது.
தற்போது இளைஞரின் உடலை இலங்கைக்குக் கொண்டு வருவதற்கான முயற்சிகள் முன்னெடுக்கப்ப டுகின்றன என்றும் தெரிவிக்கப்படுகின்றது.
