தென்னிந்தியத் திரையுலகத்தில் மற்ற மாநிலங்களிலும் புகழ் பெற்ற நடிகராக இருக்கும் நடிகர், தெலுங்கு நடிகரான அல்லு அர்ஜுன் தான். அவர் நடிக்கும் தெலுங்குப் படங்கள் தெலுங்கானா, ஆந்திரா என தெலுங்கு மக்களிடம் மட்டுமல்லாமல் கேரளா, கர்நாடகா ஆகிய மாநிலங்களிலும் நல்ல வசூலைப் பெறும். தமிழ்நாட்டிலும் அல்லு அர்ஜுனுக்கு ரசிகர்கள் உண்டு. அதே சமயம், ஹிந்தியிலும் யு டியூப் மூலம் அந்த மொழி ரசிகர்களிடத்தில் அல்லு அர்ஜுனுக்கு தனி செல்வாக்கு நாளுக்கு நாள் அதிகரித்து வருகிறது.
அவர் நாயகனாக நடித்து கடந்த ஆண்டு வெளிவந்த ‘துவ்வட ஜகன்னாதம்’ படம் ஹிந்தியில் டப்பிங் ஆகி, யு டியூபில் வெளியிட்ட இரண்டே மாதத்தில் 10 கோடி பார்வைகளைப் பெற்று புதிய சாதனை ஒன்றைப் படைத்துள்ளது. இதற்கு முன்பு அர்ஜுன் நடித்த ‘சர்ரைனோடு’ படமும் 12 கோடி பார்வைகளைப் பெற்று முதலிடத்தில் உள்ளது குறிப்பிடத்தக்கது.
தமிழில் இணைய அளவில் டுவிட்டர், யு டியூப் ஆகியவற்றில் முன்னணியில் இருந்து இந்திய அளவில் சாதனை படைத்துள்ள விஜய், அஜித் ஆகியோரை விட அல்லு அர்ஜுன் திரைப்பட பார்வை சாதனையில் அவர்களை மிஞ்சியுள்ளார்.
