தபால் மூலம் வாக்களிப்பின்போது வாக்குப்பெட்டியை புகைப்படம் எடுத்த ஆசிரியர் ஒருவர் கைது செய்யப்பட்டுள்ளார்.
கெப்பத்திகொல்லாவ பொலிஸ் பிரிவிற்குட்பட்ட ஹொரவபொத்தான பகுதியில் வைத்தே குறித்த ஆசிரியர் நேற்று முன்தினம் கைது செய்யப்பட்டுள்ளார். 44 வயதான ஆசிரியர் ஒருவரே இதன்போது கைது செய்யப்பட்டுள்ளதாக பொலிஸார் தெரிவித்துள்ளனர்.
சம்பவம் தொடர்பில் வாக்களிப்பு நிலையத்தின் பொறுப்பதிகாரி ஒருவர் பொலிஸாருக்கு வழங்கிய தகவலிற்கமைய குறித்த ஆசியரியர் கைது செய்யப்பட்டுள்ளதாகவும் பொலிஸார் குறிப்பிட்டுள்ளனர்.
மேலும், வாக்களித்தமையை காணொளியாக பதிவு செய்து முகப்புத்தகத்தில் பதிவேற்றிய இருவர் நேற்றுமுன்தினம் கைது செய்யப்பட்டிருந்தமை குறிப்பிடத்தக்கது.
