வட்டரக தேரருக்கு பொதுபல சேனா உறுப்பினர்கள் மிரட்டல்!!

உன்னை இன்னும் ஐந்து நிமிடத்தில் கொன்று விடுவோம்’ என பொதுபலசேனா அணியினர் வட்டரக விஜித்த தேரருக்கு மிரட்டல் விடுத்துள்ளனர். ஜனாதிபதி செயலகத்திற்கு முன்னால் இச்சம்பவம் நேற்று  பகல் (01) நடைபெற்றுள்ளது. இச்சம்பம் தொடர்பில் தெரியவருவதாவது. மஹியங்கணை பிரதேசத்தின் சுதந்திரக் கட்சி அமைப்பாளராக நியமிக்கப்பட்டுள்ள பொதுபலசோனாவின் முக்கியஸ்தரை நீக்குமாறு ஜனாதிபதி செயலகத்திற்கு முன்னால் வடரக்க விஜித்த தேரர் இன்று காலையிலிருந்து உண்ணாவிரதம் இருந்துள்ள போது அவ்விடத்திற்கு பஜரோ வாகனத்தில் விரைந்து வந்த பொதுபல சேனா உறுப்பினர்கள் வடரக்க விஜித்த தேரரை தாக்குவதற்கு முனைந்ததுடன் ‘ நீ இந்த இடத்தை விட்டு ஓடாவிட்டால் இன்னும் ஐந்து நிமிடத்தில் ஞானாசார வந்து உன்னைக் கொல்வார்’ என்று மிரட்டல் விடுத்துள்ளனர். இச்சந்தர்ப்பத்தில் ஜனாதிபதி செயலகத்திற்கு முன்னால் பதற்றம் ஏற்பட்டது.இதன் போது பொலிசார் பொதுபலசேனா அணியினரை அவ்விடத்தை விட்டு அகற்றினர். பொதுபலசேனா அணியினர் வடரக்க தேரருக்கு அச்சுறுத்தல் விடுக்கும் போது பொலிசார் சுற்றிநின்று வேடிக்கை பார்த்துக் கொண்டிந்ததாக அறியவருகின்றது.வடரக்க தேரர் தனிமையில் உண்ணாவிரதப் போராட்டத்தை ஜனாதிபதி செயலகத்திற்கு முன்னால் தொடர்ந்து கொண்டிருந்த நிலையில் அவரது முறையற்ற செயற்பாடு காரணமாக அவர் கைது செய்யப்பட் பின்னர் பொலிஸ் பாதுகாப்புடன் வைத்தியசாலையில் அனுமதிக்கப்பட்டுள்ளார்.