இந்திய கிரிக்கெட் அணியில் இடம்பெற வேண்டுமென்றால், உடலை கட்டுக்கோப்பாக வைத்திருக்க யோ-யோ டெஸ்ட் வைக்கப்படுகிறது.
இந்திய கிரிக்கெட் அணியில் இடம்பெற வேண்டுமென்றால் திறமையுடன் யோ-யோ டெஸ்டிலும் தேர்ச்சி பெற வேண்டும். வீரர்கள் தங்களுடைய உடலை கட்டுக்கோப்பாக வைத்திருக்கவும், அடிக்கடி காயம் ஏற்படுவதை தவிர்க்கவும் இந்த டெஸ்ட் வைக்கப்படுகிறது. ஒரு வீரர் காயம் ஏற்பட்டு விளையாடாமல் இருந்து மீண்டும் அணிக்கு திரும்பும்போது அல்லது ஐ.பி.எல். போட்டியில் விளையாடும்போது இதுபோன்று யோ-யோ டெஸ்ட் வைக்கப்படும்.
யோ-யோ டெஸ்டில் 16.5 புள்ளிகள் பெற்றால் தேர்ச்சி என கணக்கிடப்படும். இந்திய கிரிக்கெட் அணியின் இளம் வீரரான பிரித்வி ஷா ஐ.பி.எல். கிரிக்கெட்டில் டெல்லி கேப்பிட்டல்ஸ் அணிக்காக விளையாடுகிறார்.
இவர் இந்திய கிரிக்கெட் வாரியத்தின் தேசிய கிரிக்கெட் அகாடமியில் யோ-யோ டெஸ்டிற்கு உட்படுத்தப்பட்டார். அப்போது அவர் 15 மதிப்பெண்ணிற்கும் குறைவாக பெற்றுள்ளார்.
இது வெறும் பிட்னஸ் அப்டேட்தான். வெளிப்படையாக சொல்ல வேண்டுமென்றால், இது பிரித்வி ஷா ஐ.பி.எல். கிரிக்கெட்டில் டெல்லி அணிக்காக விளையாடுவதை தடுத்து நிறுத்தாது. பிட்னஸ்க்கான வரையறைதான் தவிர, முடிவு அல்ல என்ற முக்கியமான நபர் ஒருவர் தெரிவித்துள்ளதாக பி.டி.ஐ. செய்தி நிறுவனம் தெரிவித்துள்ளது.
பிரித்வி ஷா அடுத்தடுத்து மூன்று ரஞ்சி கோப்பை கிரிக்கெட்டில் விளையாடியுள்ளார். மூன்று போட்டிகளில் தொடர்ந்து விளையாடிய பின்னர், சோர்வு யோ-யோ டெஸ்டில் பாதிப்பை ஏற்படுத்தலாம் என்றும் அந்த நபர் தெரிவித்துள்ளார்.
#No 1 TamilWebSite 
| http://Facebook page / easy 24 news | Easy24News – யூடியூப் YouTube | [email protected]
