20 நாள்களாகத் தொடர்ச்சியாக உணவு எதனையும் எடுத்துக் கொள்ளாததை அடுத்து அவர்களின் உடல் நிலை பலவீனமடைந்தது.
அநுராதபுரம் சிறைச்சாலையில் உணவு ஒறுப்புப் போராட்டத்தை முன்னெடுத்துள்ள மூன்று தமிழ் அரசியல் கைதிகளும் சிறைச்சாலை மருத்துவமனையில் நேற்றுச் சேர்க்கப்பட்டுள்ளனர்.
வவுனியா மேல் நீதிமன்றில் நடந்து வந்த தமது வழக்கை திடீரென அநுராதபுரம் நீதிமன்றுக்கு இடமாற்றியதை எதிர்த்து இந்த மூன்று தமிழ் அரசியல் கைதிகளும் 20 நாள்களாகத் தொடர் உணவு ஒறுப்புப் போராட்டத்தில் ஈடுபட்டுள்ளனர்.
தமது வழக்கு விசாரணையை மீண்டும் வவுனியா மேல் நீதிமன்றத்துக்கே மாற்றுமாறு கோரியே அவர்கள் இந்தப் போராட்டத்தை முன்னெடுத்து வருகின்றனர்.
20 நாள்களாகத் தொடர்ச்சியாக உணவு எதனையும் எடுத்துக்கொள்ளாததை அடுத்து அவர்களின் உடல் நிலை நேற்றுக் காலையில் பலவீனமடைந்தது.
இதையடுத்து சிறைச்சாலை அதிகாரிகள் அவர்களைச் சிறைச்சாலை மருத்துவமனையில் சேர்த்தனர்.
