தூரியன் பழத்தை பதுகாக்க போடப்படிருந்த மின்சார வேலியில் சிக்குண்ட ஒருவர் பலியான சம்பவமொன்று கினிகத்தேனை பகுதியில் இடம்பெற்றுள்ளது.
குறித்த சம்பவம் இன்று காலை நிகழ்ந்துள்ளது.
இதில் கினிகத்தேன – பொல்பிட்டிய ஹிட்டிகே கம புலத்தவத்த பிரதேசத்தை சேர்ந்த 62 வயதுடைய இரண்டு பிள்ளைகளின் தந்தயான வை.குலரத்ன என்பவர் உயிரிழந்துள்ளார்.
தூரியன் மர தோட்டத்தை பாதுகாக்கும் நோக்கில் தோட்டத்தை சுற்றி மீன்சார கம்பி வேலியமைக்கப்பட்டிருந்த நிலையில், குறித்த நபர் வீட்டில் குடிநீர் வராத நிலையில் அத்தோட்டப் பகுதியில் நீர் குழாயை திருத்த சென்றுள்ள நிலையில் மீன்சார கம்பியில் சிக்குண்டு உயிரிழந்துள்ளார்.
சம்பவ இடத்திற்குச் சென்ற கினிகத்தேனை பொலிஸார் சட்டவிரோதமாக மின்சார வேலியமைத்த தோட்ட உரிமையாளரை கைது செய்ய நடவடிக்கை எடுத்துள்ளதுடன் சம்பவம் தொடர்பிலான மேலதிக விசாரணைகளையும் முன்னெடுத்துள்ளனர்.
