பொல்பித்திகம, அலுத்வெகெதர பிரதேசத்தில் பெண் ஒருவர் நேற்று (8) அடித்துக் கொல்லப்பட்டுள்ளார்.
குறித்த பெண் நேற்று மாலை தனது கணவன் மற்றும் மருமகனுடன் வாக்குவாதத்தில் ஈடுபட்டபோது, அவரது மருமகனால் தாக்கப்பட்டு உயிரிழந்துள்ளதாக பொலிஸார் தெரிவித்துள்ளனர்.
பொல்பித்திகம, அலுத்வெகெதர பிரதேசத்தில் வசிக்கும் 59 வயதுடைய பெண்ணே உயிரிழந்துள்ளார்.
அவரது கணவரும் காயமடைந்து சிகிச்சைக்காக வைத்தியசாலையில் அனுமதிக்கப்பட்டுள்ளார்.
கொலையுடன் தொடர்புடைய சந்தேக நபரான அவர்களது மருமகன் பிரதேசத்தை விட்டு தப்பிச் சென்றுள்ளார்.
அத்துடன், அவரை கைதுசெய்வதற்கான விசாரணைகளை பொலிஸார் ஆரம்பித்துள்ளனர்.
