வாழைச்சேனை காவற்துறை பிரிவிற்குட்பட்ட கோழிக்கடை வீதியில் வைத்து போதைப் பொருள் வியாபாரி ஒருவர் நேற்று (19) இரவு கைது செய்யப்பட்டுள்ளதுடன் வியாபாரத்திற்கு பயன்படுத்திய முச்சக்கரவண்டியும் கைப்பற்றப்பட்டுள்ளதாக வாழைச்சேனை காவல் நிலைய சுற்றுச்சூழல் பொறுப்பதிகாரி எஸ்.எம்.எம்.ஹரீஸ் தெரிவித்தார்.
வாழைச்சேனை பகுதியில் மிக நீண்ட நாட்களாக போதை பொருள் வியாபாரத்தில் ஈடுபட்டு வந்த 41 வயதுடைய நபரே கைது செய்யப்பட்டுள்ளதுடன் அவரிடம் இருந்து ஒரு கிலோ கிராம் கேரளா கஞ்சா கைப்பற்றப்பட்டுள்ளது.
வாழைச்சேனை காகித ஆலை இராணுவப் புலனாய்வுப் பிரிவினருக்கு கிடைத்த இரகசியத் தகவலுக்கமைய வாழைச்சேனை காவல் நிலைய பொறுப்பதிகாரி தனஞ்ஜய பெரமுனவின் வழிகாட்டலில் காவல் நிலைய சுற்றுச்சூழல் பொறுப்பதிகாரி எஸ்.எம்.எம்.ஹரீஸ் தலைமையில் சென்ற காவற்துறையினர் மேற்கொண்ட சுற்றி வப்பின் போதே மேற்படி போதைப் பொருள் வியாபாரி கைது செய்யப்பட்டுள்ளதுடன் அவரிடம் இருந்து கேரளா கஞ்சாவும் கைப்பற்றப்பட்டுள்ளது.
