இலங்கை தமிழரசுக் கட்சியின் ஏற்பாட்டில், ‘புதிய சுதந்திரன்’ பத்திரிகை நாளை வெளியிடப்படவுள்ளது.
மட்டக்களப்பு மாநகரசபை நகர சபை மண்டபத்தில் நாளை காலை 09.30 மணிக்கு இந்நிகழ்வு இடம்பெறவுள்ளதாக இலங்கைத் தமிழரசுக் கட்சியின் மட்டக்களப்பு அலுவலகம் தெரிவித்துள்ளது.
இதன்போது, ‘புதிய சுதந்திரன்’ பத்திரிகை கட்சியின் உயர்பீட உறுப்பினர்களால் உத்தியோகபூர்வமாக வெளியிடப்படவுள்ளது.
இந்நிகழ்வில் கட்சியின் உயர்பீட உறுப்பினர்கள், மதகுருமார்கள், நாடாளுன்ற உறுப்பினர்கள், மாகாணசபை உறுப்பினர்கள், உள்ளூராட்சி சபைத் தேர்தலில் வெற்றியீட்டியவர்கள், கட்சி ஆதரவாளர்கள், பொதுமக்கள் எனப் பலரும் கலந்துகொள்ளவுள்ளனர்.
இலங்கைத் தமிழரசுக் கட்சியினால் வெளியிடப்பட்டு வந்த சுதந்திரன் பத்திரிகை, நாட்டின் அசாதாரண நிலை காரணமாக வெளிவராத நிலையில் தற்போது புதிய பரிணாமத்தில் வெளிவரவுள்ளமை குறிப்பிடத்தக்கது.
