நேபாள கிரிக்கெட் வீரர் சந்தீப் லமிச்சானே, பாலியல் துஷ்பிரயோக வழக்கில் குற்றவாளி என அந்நாட்டு நீதிமன்றம் தீர்ப்பளித்துள்ளது.
அவருக்கான தண்டனை எதிர்வரும் ஜனவரி 10ஆம் திகதி அறிவிக்கப்படும் என நீதிமன்றம் நேற்றுமுன்தினம் தெரிவித்துள்ளது.
2022ஆம் ஆண்டில் 18 வயதான யுவதி ஒருவரை லமிச்சானே வல்லுறவுக்குட்படுத்தினார் என குற்றம் சுமத்தப்பட்டிருந்தது. அதையடுத்து, அணித்தலைவர் பதவியிலிருந்து அவர் நீக்கப்பட்டதுடன் பொலிஸாரால் கைது செய்யப்பட்டிருந்தார்.
23 வயதான சந்தீப் லமிச்சானே, 51 ஒருநாள் சர்வதேச போட்டிகளிலும் 52 சர்வதேச இருபதுக்கு 20 போட்டிகளிலும் விளையாடியுள்ளமை குறிப்பிடத்தக்கது.
