டோக்கியோ பரா ஓலிம்பிக்கில் உலக சாதனையுடன் தங்கப் பதக்கம் வென்று இலங்கைக்கு பெருமை தேடிக்கொடுத்த தினேஷ் பிரியன்தவுக்கு விளையாட்டுத் துறை அமைச்சினால் 5 கோடி ரூபா பணப்பரிசு வழங்கப்படவுள்ளதாக தெரிவிக்கப்படுகிறது.
இதன்படி, இலங்கை விளையாட்டு துறை வரலாற்றில் தனிநபர் விளையாட்டுப் பிரிவில் வெற்றியீட்டிய ஒருவருக்கு வழங்கப்படவுள்ள அதிகூடிய பணப்பரிசுத் தொகையாக இது விளங்கும்.
மேலும்,பராலிம்பிக்கில் வெண்கலப் பதக்கம் வென்று கொடுத்த துலான் கொடிதுவக்குவுக்கு 2 கோடி ரூபா பணப்பரிசும், பயிற்றுநரான பிரதீப் நிஷாந்தவுக்கு ஒரு கோடியே 75 இலட்சம் ரூபா வழங்குவதற்கும் விளையாட்டுத் துறை அமைச்சு தீர்மானித்துள்ளதாக தெரிவிக்கப்படுகிறது.
தினேஷ் பிரியன்த, துலான் கொடிதுவக்கு உள்ளிட்ட இலங்கை மெய்வல்லுநர் குழாம் எதிர்வரும் 7 ஆம் திகதி தாய் நாடு திரும்பவுள்ளமை குறிப்பிடத்தக்கது.
