தனது குடும்ப பிரச்னை பெரும் சர்ச்சையை கிளப்பியநிலையில், அதற்கு வருத்தம் தெரிவித்து சிங்கப்பூர் மக்களிடம் மன்னிப்பு கேட்டுள்ளார் அந்நாட்டு பிரதமர் லீ சியென் லூங்.

பொதுமக்களிடம் காணொளி காட்சி மூலம் உரையாற்றிய பிரதமர் லீ, ’38 ஆக்ஸ்லி சாலையில் அமைந்துள்ள எங்களின் குடும்ப இல்லம் தொடர்பான விவகாரம் பெரும் சர்ச்சையாக வெடித்துள்ளது.

இந்த பூர்வீக வீடு குறித்து கடந்த சில நாட்களாக எனது சகோதரர்களுக்கும், எனக்கும் இடையே சில கருத்து வேறுபாடுகள் நிலவி வருகிறது.

எனக்கும், என் உடன்பிறப்புகளுக்கும் இடையிலான இந்த சர்ச்சை தொடர்பாக நான் சிங்கப்பூர் மக்களாகிய உங்களிடம் மன்னிப்புக் கேட்டுக் கொள்கிறேன் என தெரிவித்துள்ளார்.

மேலும், இந்த விவகாரம் என்னையும், எனது அமைச்சரவையை சார்ந்த உறுப்பினர்களையும், நாட்டை நிர்வகித்து வரும் தங்கள் பொறுப்பிலிருந்து நிச்சயம் திசை திருப்பாது என்று நான் உங்களிடம் உறுதிப்பட தெரிவித்துக்கொள்கிறேன்’, என்றார். ‘சிங்கப்பூரின் தந்தை’ என்றழைக்கப்படும் லீ குவான் யூ-வின் மூத்த மகன்தான் இந்த லீ சியென் லூங்.

நாட்டை ஆளும் பிரதமர் ஒருவர் இவ்வகையான வெளிப்படைத்தன்மையோடும், பொறுப்புணர்வோடும் செயல்பட்டது சமூகவலைதளங்களில் அவருக்கு பெரும் பாராட்டை பெற்றுத்தந்துள்ளது.

மேலும் ஏனைய நாடுகள் செய்திகளைப் படிக்க இங்கே அழுத்தவும்