பிரதமர் ரணில் விக்ரமசிங்கவுக்கு எதிரான நம்பிக்கையில்லாப் பிரேரணையை நல்ல நேரம் பார்த்து கொண்டுவருவோம் என கூட்டு எதிர்க் கட்சியின் தலைவர் தினேஷ் குணவர்தன தெரிவித்தார்.
நேற்று (14) மாலை முன்னாள் ஜனாதிபதி மஹிந்த ராஜபக்ஷ தலைமையில் இடம்பெற்ற கூட்டு எதிரணியின் கட்சித் தலைவர்கள் கூட்டத்தில் கலந்துகொண்டதன் பின்னர் கருத்துத் தெரிவிக்கையில் இதனைக் கூறினார்.
பிரதமருக்கு எதிரான நம்பிக்கையில்லாப் பிரேரணையைக் கொண்டுவருவதற்கான ஒப்பம் பெறும் நடவடிக்கைகள் ஆரம்பிக்கப்பட்டுள்ளதாகவும், நாட்டின் நிலவரம் குறித்து தாமதமாகியதே அன்றி, அதனை கொண்டுவரும் தீர்மானத்தில் மாற்றம் இல்லையெனவும் அவர் குறிப்பிட்டார்.
