மிகச்சிறந்த தலைவராக இருந்த தோனி தற்போது ‘ஒரு அணிக்கான வீரராக’ இருந்து வருகிறார், என்று தன் ஆதரவை பயிற்சியாளர் ரவிசாஸ்திரி தெரிவித்ததோடு, தோனி விமர்சகர்களை கடுமையாகச் சாடினார்.
சமீப காலங்களில் தோனி பேட்டிங்கில் தடவி வருவதாக மூத்த வீரர்கள் உட்பட முன்னாள் கிரிக்கெட் வீரர்கள் பலர் தோனிக்கு மாற்று தேவை என்று குரலெழுப்பத் தொடங்கியுள்ளனர்.
விமர்சனத்தின் நியாயப்பாடுகளை ஏற்க மறுத்த ரவி சாஸ்திரி, அவர்களைச் சாடியுள்ளார்.
ஆனந்தபஜார் பத்திரிகையில் ரவிசாஸ்திரி கூறியதாவது: “நிறைய பொறாமை பிடித்தவர்கள் இருக்கிறார்கள் என்று தெரிகிறது. இவர்கள் தோனி ஓரிரு போட்டிகளில் தோல்வியடைவதற்காக காத்திருப்பவர்கள். இன்னும் சிலர் தோனி கிரிக்கெட் முடிவுக்கு வருவதை எதிர்பார்த்துக் காத்திருக்கின்றனர்.
ஆனால் தோனியைப் போன்ற கிரேட் பிளேயர்கள் தங்களது எதிர்காலத்தை அவர்களே முடிவு செய்வார்கள்” என்று கூறியுள்ளார்.
