எதிர்வரும் 10ஆம் திகதி நடைபெறவுள்ள உள்ளூராட்சி சபைத் தேர்தலில் வடக்கு கிழக்கில் 51 உள்ளூராட்சி சபைகளை தமிழ் தேசியக் கூட்டமைப்பு கைப்பற்றும் என்று மின்வலு மற்றும் புதுப்பிக்கத்தக்க சக்தி பிரதியமைச்சர் அஜித் பி பெரேரா தெரிவித்துள்ளார்.
ஐக்கிய தேசியக் கட்சி நடத்திய ஆய்வுகளில் மொத்தமுள்ள 341 உள்ளூராட்சி சபைகளில் 276 சபைகளை ஐக்கிய தேசியக் கட்சி கைப்பற்றும் என்று அவர் தெரிவித்தார்.
ஏனைய சபைகளில் வடக்கு மற்றும் கிழக்கு மாகாணங்களில் தமிழ் மக்கள் செறிந்து வாழும் பிரதேசங்களில் தமிழ் தேசியக் கூட்டமைப்பு 51 உள்ளூராட்சி சபைகளைக் கைப்பற்றும் என்று அஜித் பி பெரேரா மேலும் குறிப்பிட்டுள்ளார்.
வடக்கில் 34 சபைகளும் கிழக்கில் 45 சபைகளுமாக மொத்தம் 79 உள்ளூராட்சி சபைகள் உள்ளமை குறிப்பிடத்தக்கது
