வேகமாகப் பயணித்த ஜேசிபி வாகனம் திடீரெ னத் தடம்புரண்டது. அதில் நசியுண்ட மாணவன் சம்பவ இடத்திலேயே பரிதாபமாக உயிரிழந்தார்.
இந்தக் கோரச் சம்பவம் நேற்று கிளிநொச்சி, முழங்காவில் கண்ணண் ஆலயப் பகுதியில் நடந்துள்ளது. முழுங்காவில் தேசிய பாடசாலையில் கல்வி கற்கும் உதயகாந்தன் பிரசாந்த் (வயது-15) என்ற மாணவனே உயிரிழந்தான்.
பிரசாந்த் வழமை போன்று தனியார் கல்வி நிலையத்துக்குச் சென்றுவிட்டு நண்பர்களுடன் வீடு திரும்பியபோதே இந்த அசம்பாவிதம் நடந்துள்ளது. நண்பர்கள் தப்பிக்கொள்ள பிரசாந்த் வாகனத்துக்குக் கீழ் சிக்கிக் கொண்டுள்ளான்.
தடம் புரண்ட வாகனத்தைத் தூக்குவதற்கு வேறொரு ஜேசிபி வரவழைக்கப்பட்டு தூக்கப்பட்டது. அதன் பின்னரே மாணவன் மீட்கப்பட்டான் என்று தெரிவிக்கப்பட்டது.
