‘பயங்கரவாதத்தை துாண்டும் வகையில் செயல்பட்டதாக தொடரப்பட்ட வழக்கில் குற்றஞ்சாட்டப்பட்டுள்ள ஜாகிர் நாயக்கை நாடு கடத்தி ஒப்படைக்கும்படி, மலேஷியா அரசுக்கு முறைப்படி கோரிக்கை வைக்கப்படும்’ என, வெளியுறவு அமைச்சகம் தெரிவித்துள்ளது.
இது குறித்து, வெளியுறவுத் துறை செய்தித் தொடர்பாளர், ரவீஷ் குமார் கூறியதாவது:ஜாகிர் நாயக் மீதான வழக்கின் விசாரணை இறுதிக் கட்டத்தில் உள்ளது.
அதைத் தொடர்ந்து, அவரை நாடு கடத்தி ஒப்படைக்கும்படி, மலேஷிய அரசுக்கு, முறைப்படி கோரிக்கை வைக்கப்படும். அதற்கான பணிகள் விரைவில் துவங்கும் என இவ்வாறு அவர் கூறினார்.
