சுவிஸர்லாந்திலுள்ள அகதி முகாமொன்றிற்கு அருகில் கூரிய ஆயுதத்தை காட்டி குழப்ப நிலையை ஏற்படுத்த முற்பட்டதாக கூறப்படும் இலங்கை அகதி கோரிக்கையாளர் ஒருவர், அந்த நாட்டு பொலிஸாரால் சுட்டுக் கொல்லப்பட்டுள்ளார். சுவிஸர்லாந்தின் டிகினோ பகுதியிலேயே இந்த சம்பவம் இடம்பெற்றுள்ளது.
குறித்த முகாமில் இருந்த அகதிகளிடையே ஏற்பட்ட மோதல் குறித்து பொலிஸாருக்கு தகவல் அளிக்கப்பட்டுள்ளது. இதனையடுத்து, அங்கு விரைந்த பொலிஸ் குழுவினர், குழப்பநிலையை தோற்றுவித்ததாக கூறப்படும் நபரை சுட்டுக் கொன்றுள்ளனர். சம்பவத்தில் 38 வயதான இலங்கையர் ஒருவரே உயிரிழந்துள்ளதாக சர்வதேச செய்திகள் குறிப்பிட்டுள்ளன.
