சிங்கப்பூர் வெளிவிவகார அமைச்சர் இலங்கை வந்தடைந்தார்.

சிங்கப்பூர் வெளிவிவகார அமைச்சர் வீ.பாலகிருஸ்னண் உத்தியோகபூர்வ விஜயம் ஒன்றை மேற்கொண்டு நேற்று இரவு இலங்கை வந்தடைந்தார்.
எதிர்வரும் 21ஆம் திகதி வரை இலங்கையில் தங்கியிருக்கும் அவர், ஜனாதிபதி மைத்திரிபால சிறிசேன, பிரதமர் ரணில் விக்ரமசிங்க, எதிர்க்கட்சித் தலைவர் ஆர்.சம்பந்தன் உள்ளிட்ட பலரை சந்தித்துக் கலந்துரையாடவுள்ளதாக வெளிவிவகார அமைச்சு தெரிவித்துள்ளது.
அத்துடன் வட பகுதிக்கு விஜயம் செய்யவுள்ள சிங்கப்பூர் வெளிவிவகார அமைச்சர், அங்கு வடக்கு முதல்வர் மற்றும் ஆளுநரைச் சந்திக்க ஏற்பாடுகள் செய்யப்பட்டுள்ளன.
அதேவேளை இன்று மாலை சிங்கப்பூர் வெளிவிவகார அமைச்சர் வீ.பாலகிருஸ்னனுக்கும், இலங்கை வெளிவிவகார அமைச்சர் ரவி கருணாநாயக்கவுக்கும் இடையில் சந்திப்பொன்று நடைபெறவுள்ளது