நடிகை சமந்தா கதையின் நாயகியாக நடித்து வரும் ‘சாகுந்தலம்’ படத்தின் ஃபர்ஸ்ட் லுக் வெளியிடப்பட்டிருக்கிறது.
‘ருத்ரமாதேவி’ என்ற படத்தை இயக்கிய இயக்குநர் குணசேகர் இயக்கத்தில் தயாராகி வரும் புதிய திரைப்படம் ‘சாகுந்தலம்’.
நடிகை சமந்தா கதையின் நாயகியாக நடித்து வரும் இந்தப் படத்தில் அவருடன் நடிகர் தேவ் மோகன், ‘அருவி’ புகழ் நடிகை அதிதி பாலன், பிரகாஷ்ராஜ், கௌதமி, மதுபாலா, கபீர் துகான் சிங் உள்ளிட்ட பலர் நடித்திருக்கிறார்கள்.
சேகர் வி ஜோசப் ஒளிப்பதிவு செய்யும் இந்த படத்திற்கு மணிசர்மா இசையமைத்திருக்கிறார்.
தமிழில் மட்டுமல்லாமல் தெலுங்கு, ஹிந்தி, மலையாளம், கன்னடம் ஆகிய மொழிகளில் தயாராகியிருக்கும் இந்த பிரம்மாண்டமான திரைப்படத்தை தில் ராஜு புரொடக்சன்ஸ் என்ற பட நிறுவனம் சார்பில் தெலுங்கின் முன்னணி தயாரிப்பாளர் தில் ராஜு தயாரித்திருக்கிறார்.
அண்மையில் இந்திய அளவில் வெளியாகி வெற்றி பெற்ற ‘புஷ்பா’ படத்தில் இடம்பெற்ற ‘ஓ சொல்றியா..ஓஓ சொல்றியா.’ என்ற பாடலுக்கு கவர்ச்சி நடனம் ஆடிய நடிகை சமந்தாவின் நடிப்பில் ‘சாகுந்தலம்’ தயாராகி வருவதால், இப்படத்திற்கு பெரும் எதிர்பார்ப்பு ஏற்பட்டிருக்கிறது.
‘சாகுந்தலம்’ ஃபர்ஸ்ட் லுக்கில் நடிகை சமந்தாவின் தோற்றம் புராண இதிகாச கால நாயகியை போலிருப்பதால் ரசிகர்களின் ஆதரவு பாரிய அளவில் கிடைத்து வருகிறது.
#No 1 TamilWebSite 
| http://Facebook page / easy 24 news | Easy24News – YouTube | [email protected]
