நியூஸிலாந்தில் உள்ள ஆக்லாந்து நகரில் நியூஸிலாந்து கிராண்ட் பிரிக்ஸ் கோல்ட் பாட்மிண்டன் போட்டிகள் நடந்து வருகின்றன. இதில் நேற்று நடந்த கால் இறுதிக்கு முந்தைய சுற்று ஆட்டத்தில், இந்திய வீரரான பிரணாய், ஹாங்காங்கின் வீ நானை எதிர்த்து ஆடினார். இப்போட்டியில் பிரணாய் 21-18, 21-19 என்ற நேர் செட்களில் வெற்றி பெற்றார். கால் இறுதிப் போட்டியில் சீன தைபேயைச் சேர்ந்த 11-ம் நிலை வீரரான லின் யு சின்னை எதிர்த்து பிரணாய் ஆடவுள்ளார்.
நேற்று நடந்த மற்றொரு போட்டியில் இந்திய வீரர்களான சவுரப் வர்மாவும், பாருப்பள்ளி காஷ்யப்பும் மோதினர். இப்போட்டியில் சவுரப் வர்மா, 21-18, 13-21, 21-16 என்ற செட்கணக்கில் போராடி வென்றார்.
