கபாலி படத்துக்கு குடும்பத்தோடு போகாதீங்க.. ஏமாற்றம் தான் மிஞ்சும்

தமிழ் சினிமா முழுவதும் இந்த வாரம் அதிகம் உச்சரிக்கப்பட்ட வார்த்தை கபாலி. சூப்பர்ஸ்டார் நடித்திருக்கும் இப்படத்துக்கு தாணுவின் ப்ரோமோஷன் அனைவரையும் எதிர்பார்ப்பின் உச்சத்துக்கு கொண்டு சென்றது.

ஆனால் நேற்று வெளியான இப்படத்திக்கு கலவையான விமர்சனங்களே கிடைத்துள்ளது.

பல இடங்களில் அதிர வைக்கும் டிக்கெட் விலையால் ரசிகர்கள் கடுப்பாகினர். இப்படத்துக்கு யு சர்ட்டிபிக்கெட் தான் கொடுக்கப்பட்டது. ஆனால் பிரித்தானியா உட்பட பல வெளிநாடுகளில் இப்படத்துக்கு 15 வயதுக்கு மேற்ப்பட்டவர்களை மட்டும் தான் அனுமதிக்கின்றனர்.

இதுபற்றி டிக்கெட் புக்கிங் செய்யும் போதே சரியான தகவல் கொடுத்திருக்க வேண்டும். ஆனால் அப்போது எந்த தகவல்களும் கொடுக்கப்படவில்லையாம். இதனால் பிரித்தானியாவில் பலர் குழந்தைகளோடு குடும்பத்துடன் திரையரங்குக்கு சென்று அனுமதியின்றி ஏமாற்றத்துடன் புலம்பி தவித்துள்ளனர்.

சமூக வலைதளங்களில் நெகட்டிவ் கமெண்டுகள் வரும் நிலையில் இனி இந்த படத்தை திரையரங்குக்கு போய் பார்க்கமாட்டோம் என கோபத்துடன் திரும்பியுள்ளனர்.