வாகனங்களின் எரிபொருள் தாங்கிகளுக்கு மட்டுமே இன்று முதல் பெற்றோல் உள்ளிட்ட எரிபொருள் விநியோகிக்கப்படும் என லங்கா ஐ.ஓ.சி நிறுவனம் தெரிவித்துள்ளது.
இது குறித்து வெளியிட்டுள்ள அறிக்கையொன்றிலேயே லங்கா ஐ.ஓ.சி. நிறுவனம் மேற்கண்டவாறு தெரிவித்துள்ளது.
அந்த அறிக்கையில்,
லங்கா ஐ.ஓ.சி. நிறுவனத்துக்கு சொந்தமான எரிபொருள் நிரப்பு நிலையங்களில் இருந்து கேன்கள், கொள்கலன்கள் அல்லது போத்தல்களில் பெற்றோல் விநியோகிக்கப்பட மாட்டாதென லங்கா ஐ.ஓ.சி. தெரிவித்துள்ளது.
இன்று முதல் உடனடியாக அமுலுக்கு வரும் வகையில் இந்த தீர்மானங்கள் அமுல்படுத்தப்படும் எனவும் அந் நிறுவனம் தெரிவித்துள்ளது.
பொதுமக்கள் மற்றும் சொத்துக்களின் பாதுகாப்பை உறுதி செய்வதற்காக இத்தகைய நடவடிக்கைகள் எடுக்கப்பட்டுள்ளதாகவும் லங்கா ஐ.ஓ.சி. நிறுவனம் மேலும் தெரிவித்துள்ளமை குறிப்பிடத்தக்கது.
