ஈக்வடோரில் திங்கட்கிழமை (27) ஏற்பட்ட மண்சரிவினால் குறைந்தபட்சம் 7 பேர் உயிரிழந்ததுடன் மேலும் சுமார் 50 பேர் காணாமல் போயுள்ளனர்.
சிம்போரஸோ மாகாணத்தின் அலாவ்சி நகரில் இச்சம்பவம் இடம்பெற்றுள்ளது.
இம்மண்சரிவினால் பல்வேறு அரச கட்டடங்கள் மற்றும் வீதிகளும் சேதமடைந்துள்ளன. இதையடுத்து மூன்று பாடசாலைகள் மூடப்பட்டுள்ளன.
மீட்பு நடவடிக்கைகளுக்காக அருகிலுள்ள இடங்களிலிருந்தும் தீயணைப்புப் படையினர் அனுப்பப்பட்டுள்ளனர் என ஜனாதிபதி கில்லேர்மோ லசோ தெரிவித்துள்ளார்.
பாதிக்கப்பட்ட பகுதிகளிலிருந்து அனைத்து மக்களும் வெளியேற்றுமாறும் அவர் கூறியுள்ளார்.
