யாழ்.மாநகர சபைக்குப் புதிய மேயராகத் தெரிவு செய்வதற்கான இரகசிய வாக்கெடுப்பில் தமிழ் தேசியக் கூட்டமைப்பு சார்பாக போட்டியிட்ட இ.ஆர்னோல்ட் முதல் வாக்கெடுப்பில் 18 வாக்குகளைப் பெற்று முன்னிலையில் உள்ளார்.
ஏனைய தமிழ் தேசிய மக்கள் முன்னனி சார்பாக போட்டியிட்ட மணிவண்ணன் 13 வாக்குகளையும், ஈ.பி.டி.பி சார்பாக ரெமிடியஸ் 13 வாக்குகளையும் பெற்றனர்.
அதனால் சட்ட ஒழுங்குளின் பிரகாரம் ஒரே வாக்குகளைப் பெற்ற இருவர் குலுக்கல் முறையில் தெரிவு செய்யப்படுவர் என அறிவிக்கப்பட்டது. அதில் மணிவண்ணன் நீக்கப்பட்டுள்ளார்.
கூடுதல் வாக்குகளைப் பெற்ற ஆர்னோல்ட், குலுக்கல் முறையில் தெரிவான ரெமிடியஸ் ஆகியோருக்கிடையில் மீண்டும் வாக்கெடுப்பு நடத்தத்தத் தீர்மானிக்கப்பட்டுள்ளது.
